امس العصر

كنت متيمعه مع صديقاتى البنات فى شوكلت بار ( استغفر الله عشان بار مو عشان شىء ) ولا وحده من البنات تشتغل فى مكان فيه مراجعين سولفت لنا عن القصه اللى صارت معاها ذاك اليوم... دخل واحد من المراجعين عندها للعلم هذا المراجع فى لقافه ما صارت ولا استوت ويتدخل فى كل شىء يخصه ولا ما يخصه كبير بالسن واصل مو بس بالديره بالخليج بعد وهى مندمجه بمعاملته سألها سؤال الملاقيف الاول

الملقوف: بنتى شسمييج ام شنو
سميره: انا مو متزوجه تقدر اتنادينى باسمى سميره ( اسمها مستعار )
الملقوف: افا ليش مو متزوجه صج ان الرياييل ثيران

( ايدته حقيقتا ابهالكلمه ) وابتسمت ابتسامه صفره فيها تلميح وتأييد حار على آخر كلمه قالها وهى ثييران

الملقوف: ولا حسافه عليج بنت خوش ناس بنت حسب ونسب والواحد يفتخر انه يناسبكم والرياييل ليش ما عندهم عيون و بعدين انتى مو اول واحده اراجع عندها وتقولى انها مو متزوجه

قعد يعدد لها كل اللى مر عليهم قبلها ومو متزوجات وطول المده سميره تبتسم ابتسامه صفره تبيه يخلص الموضوع طبعا ابدع المبدع لما قال

الملقوف: عندى صديق فى عمان (قابوس) اسمه بوخميس راح احجزله واييبه الكويت عشان يقرا عليكم عشان تتزوجون والله انا متحسف عليكم تتمون بدون زواج

سميره كان ودها ترد عليه لوما كبر سنه وارمقته بس بابتسامتها الصفره طلع بعدها من مكتبها وقال لها الله يوفقج واييب لج الرجل الصالح...

وبعد اسبوع دخل احد من المراجعيين وكان عنده معامله مع زميله سميره وكانت المعامله متعصلقه اشوى زميله سميره احتاجت مساعده من سميره ولما يت سميره سألها انتى سميره سمير دوانيه العم (الملقوف) كلهم يسولفوون عنج والعم (الملقوف) يمدحج !!!!! ولا الملقوف مسوى دعايه عن سميره بالدوانيه ويدز لها رياييل يروحون يشوفونها بالدوام!!!!!!!ما ادرى تقاعد ومل من قعده البيت قال اشتغل خطاااب الله وحده العالم......