Wednesday, December 24, 2008

المعجب



عندي مشكلة

مشكلتي انه عندي معجب ملوع جبدي ومو راضي يستوعب اني ما ابيه ولا ابي اعطيه ويه و وايد مستغربة من الحركات الي يسويها لانه مو ياهل !! عمرة 34 سنة !!!!! بس السوالف الي قاعد يسويها سوالف مراهقييين !!!!!


يطحن طحنة مو طبيعية بالتليفون اذا بدا يدق ما يخلص

يرن التليفون ما اشيله ما يقول ادق عقب 5 دقايق .........لا الحبيب يرجع يدق مرة ثانية وثالثة و رابعة و يطحن نصف ساعة و ساعات ساعة كاملة و انا حاقرتة و اهو يحليلة صامد!!!!



و عقب هالحنة يزعل الحبيب و يدزلي مسج يقولي حرام عليج انت ما بقلبج رحمة ....رحميني انا احبج و ابيج... انا حاس اني ما اقدر اعيش من غيرج ..... عطيني ويه بليز و ما راح تتحسفين ....



و ساعات يدز كلام يحر مثل ...

ليش راده البيت متاخر ؟؟

ليش لابسة قصير ؟؟

حبيبتي شكلج اشوي سمنانه ... (يحررررررررررررررررر)

مرة ثانية لا تحطين حمرة لونها احمر اغار عليج ....

شكو انت ؟؟ امي ؟؟ ابوي ؟؟ اخوي ؟؟؟ شكووووووووووو !!!!!! و شخباري سوالف لا تحطين حمرة لونها احمر !!!!!

@#$%^&* عليك !!!!!



ينرفزني . .. يحرني ...و يبط جبدي .....و ساعات ودي انتفه ....

و ساعات اقرا المسج و اضحك.... اقول فية واحد جذي ما عنده حياة ؟؟

ماكو شيء ثاني يشغله؟؟

و ساعات افكر.... يوم انك معجب و بتموت و تدل بيتنا ليش ما تقول حق اهلك يخطبوني ؟؟

المهم خلوني اكملكم السالفة ....



الحبيب المغرم عباله اني ابي اعرف اخباره يدزلي مسجات مثل

اليوم بروح عرس ولد عمي ....

للعلم انا رايح الشالية و بنام هناك .....

انا رايح الافنيوز اتغدى مع الشباب و عقب بندخل فيلم ...

بروح بيروت مع الاهل بنشوف شنو صار على الشقة الي شريناها !!

ودي اشتري رينج روفر سبورت ....

يدز الصبح good morning princess, I just woke up

و بليل good night my queen , I'm tired oo banam

و مرة دازلي MMS صورته و اهو مع الخرفان يوم العيد....



و ساعات الحلو يبتدي يتشره بالمسجات و يدزلي

شدعوة ما تردين ؟؟

ليش حاقرتني؟؟؟؟؟

تعبت و انا ادق انت ما تجاوبين

اشفيج علي ؟؟ ليش بابا ما تجاوبيني لما ادق !!



و ساعات يعصب و يبتدي يسب و يقول كلام مثل ويهه

ما ودي اذكره لانة كلام وايد مستواه واطي مثل الي دازه !!!!



انا الحين من بدا ياذيني يمكن رايحة شركة زين 4 مرات و مسويه بلوك علي أي رقم اهو يدزلي منه مسج و يدقلي منه و الحبيب ما يتعب كل ما اسوي بلوك يطلع لي برقم ثاني جديد!!!!! و ترجع حليمة لعادتها القديمة .....طحنة و حنة و مسجات مالها والي



عاد انا وايد عنيدة و ما احب احد يحدني علي شيء انا ما ودي اسويه ....يعني البنات رفيجاتي اعيزاو مني غيري يور فون نمبر بس لا.....لا اهو ولا 10000000 من اشكاله اخلية يتحكم بحياتي مثل هالطريقة !!!!



و للعلم انا طول هالمدة مو قايلة حق اخواني شيء عن السالفة كوني متاكدة انه الحبيب بيمل و يتعب و يوقف حركاته بس طلعت غلطانة .....انا الي تعبت و انا الي مليت و انا الي صار مالي خلق سوالفه فعقب الحركة الي سواها اليوم .........



يدق على الي معاي بالدوام موظفين و موظفات و يسألهم عني و

يسألهم شلون يعرفوني و شنو العلاقة الي بينا ......!!!!!!!!!!!!!



فانا اليوم قررت اني اخذ خطوة كان المفروض اخذها من زمان بس كنت محترمة اهل الولد كوني اعرف خواته و اعيال عمه و ما حبيت اسوي مشاكل لاني ما احب عوار الراس



كلمت اخوي الكبير الله يطولي بعمره

و عطيته الموبايل مالي و وريته المسجات و قلتله يروح المخفر يشتكي عليه :)


شتسوى عليك ولد ناس و اهلك معروفين تحط نفسك بهذا الموقف ؟؟؟؟؟؟

و على قولت عادل امام " بتحط نفسك بمواقف بااااايييييخاااااااااااهههههههههههه"

33 comments:

J o u J a™ said...

obeeeeeeeeeeeeeeeeeey
maskeen 7adi oshfeq 3leeh
laish chthe yswey broo7a
3al 5afeef kessar 5a6rie ;p
bs zain tsween feeh
el mushkila ena 3ayesh el dor o ta36eech 5abar ina 6ale3 ;p
waaaaaaai la2 hatha tu7fa atharya ;p

{~المباركية~} said...

حرااام عليج ليش المخفر مره وحده
خو الولد شاريج
جان كلمتيه وتفهمتي الامر وقلتيله كيت وكيت وما اقدر احبك
اهم شي مصور مع الخرفان عباله صوره حلوه
و ضحكني لما يدزلج مسجات عن نفسه
تخيلي يدز لج مسج انا الحين قاعد اشوف تلفزيون انا بالحمام انا قاعد اكل

كاااك

شصار لما اشتكيتي ؟

حياتي هدف مو عبث said...

أحس ما عندة شي يسوويه او يمكن طبعه جذي حنّه
بس ليش ما قلتي له اذلف هاهاها اقصد اتفهيمنه ان خلاص ماكو شي بينكم
وعاد ان ما دق وحن ماعندة كرااامة
ههههههههه انزين ليش امصور مع الخرفان
وليش ليش يدزها
:p


انا الحين بروح انام
تصبحين على خير
:***
هاهاها

Fashionista said...

وااااي

تذكرين مسج الخرفان يوم ما عرفناه من الهنود اللي يمه

لوووووووووووول


اهم الشي الحمرة البنية اللي حسباله انها حمرة

يعني مو كافي خبل لا و فيه عمى ألوان :P

JooJ o MaJooJ said...

لووول و الله انج مرة زين سويتي فيه...امبيه صج شخباري هل حركات بس انااااسه ترى يحليله العاشق المحرووم لوول
عاد زورينا ياحافظ :*...جووج

Ducati said...

لوووول

انا اقول شكله بعد هالحركه الي سويتيها ما اعتقد راح يعودها

جليل الحيا يأذي بنات خلق الله

زين تسوين فيه

Kareema said...

بعد اللى سويتيه راح يهديج هالاغنيه

http://www.youtube.com/watch?v=26u0Z_neU1Q

عثماني said...

مسيكين

:)

الحين الولد رايح مصور مع الخرفان

و و يغار عليج ليش حاطة حمرة

تقومين تدزين اخوج يشتكي عليه بالمخفر!!؟

غلطانة و انا اخوج

لو كنتي مكلمتة و مواعدته بمكان و دزيتي اخوانج يستقبلونة

و يعطونة من هالطق الزين اللي يبرد الجبد مو ابرك؟؟

:)

أحمد الحيدر said...

السؤال : يوم دز صورته من الخرفان عرفتي أهو أي خروف فيهم ؟؟

مع احترامي وتقديري ( خليت فيها احترام ;p ) تبي البنت روح اخطبها أنا قعد أقرا الموضوع وما أعرفها انغثيت شلون اهي عيل !!

بس عاد اخت فات جيرل حمدي ربج غيرج مو لاقية واحد يطل بويهها .. انا لو منج احاول ابلعه واقوله يبا تبي تدل بيتنا وبس ;)))

بوست جميل :)

joy said...

ككككككككككككااااااااااكككككككككككك



هيدا لحالو فلم


بس أليل زوء عا حركتووو الاخييريي


منيح ما عملتي

mantovani said...

زين تسوين فيه

لو انا منج جان من اول يوم اشتكي عليه

التهمة التحريض على الفسق و الفجور

اي محامي شاطر ممكن يحذفة بالسجن جم شهر

==


مانتوفاني

Fat Girls said...

Jouja:

hehehehe eeh adriii kan wayid 3ayesh il dooor , bs mo kafo tashfeqeen 3alaih kelish ... :)



{~المباركية~} :

اهو اول ما دق انا فهمته و قلتله اني ما ابي اهو الحمدالله و الشكر ما استوعب !!
انا يوم وصلتني صورتة مع الخرفان مت مت مت من الضحك :)
و تاكدة انة 100% مو صاحي
نادوه المخفر و عطوه جم طراق عالطاير و وقعوه علي اوراق انة يتعهد ما يدزلي مسجات ولا ياذيني
:)

Fat Girls said...

حياتي هدف مو عبث:

فهمتة و قلتلة ما ابييييييييييي
اهو ما ادري ليش كان مصر اني غصب اكلمه
عيزت و انا اقوله يا ولد الحلال خلاص ما ابي كيفي !!!!اسكر التليفون بويهه هم مو مستوعب
. من صج وايد لوع جبدي
!!!
من ناحية ليش مصور مع الخرفان والله ما عندي الا جوابين يا اهو الحمدالله و الشكر مينون ولا بسوي نفسه جونقر جدامي و انه اهو الي ذابح الخرفان
:)



Fashionista:

LOL hehehehehehehe :)
المشكلة انه ما فيه شيء يترقع
تذكرين صورتة و اهو اول ما قعد من النوم ؟؟
ويييييييييييييييييييييييععععععععع
لوووووووووعة
:(

Fat Girls said...

Jooj o Majooj:

مشكورة :*
عاد انا نوعي ما اواطن المشاكل بس عمه بعينه طلعني من طوري

حياج الله بالبلوق و لا تقاطعونة
:)



Ducati:

ان شاء الله ما يرجع ياذيني مالي خلقه كلش
و بعدين جليل حيا اشوي علية اهو متعدي هالكلمة بمراحل
:)

Fat Girls said...

Kareema:

لول
هيهيهيهيهيهيهي
وااااااااااييييييييي من وين مطلعة هالاغنية

انا الصراحة اتمنى اني ما اطري علية بعد الي سويته فيه :)

مشكورة على المرور ولا تقاطعين




عثماني:

والله انا الصراحة كنت ناويه اسوي الخطة الي قلت عنها بس عندي واحد من اخواني ما يتفاهم و مصرقع خفت يذبحه و عقب امي تبلشني

نورت البلوق يا عثماني
:)

Fat Girls said...

احمد الحيدر:

الصج تميت ايام يالله جكيت شكلة... اهو كان واقف مع الخرفان و خدم بيتهم
و ماكو فرق لا بينه و لا بين الهنود الي وياه بالصورة

و بعدين انا خبري الي معجب بوحدة يدزلها صورة حلوة ججججووودددد يعجبها مو يعميها و يدز صورته ويا الخرفان

I rather stay single all my life and not have him come and propose marriage :)



joy:

اهو الحبيب من ناحية فلم فماكو شك بهالكلام
بس الله يغربل بليسه ينننييييي و لوع جبدي
كلمة اللييييييل زوووووء اشويه عليه
و حركته الاخيرة كانت مثل ويهه

و بعدين اشعندج قالبه لبنانية ؟؟

:P

Fat Girls said...

Mantovani:

اهو الحين خذاله جم طراق بالمخفر و وقع على تعهد انه ما يأذيني

خله بس يرجع يتجرأ و يدز مسج والا يحاول يدق ....اخوي متحلف فيه صج فالله يعينه على الي بشوفه

و حياك بالبلوق نورتنا
:)

نون النساء said...

اكثر شي يقطع القلب
ويقصر العمر

الريال اللي يحن




واااااااااي
مو غصب ترا

Fat Girls said...

نون النساء:

يحن و انتي تبادلينه نفس الشعور و تحبينه ميخالف تترقع

بس اشموديل ما ابيك و بتحن ؟؟

وين كرامتك بابا ؟؟؟

joy said...

مابدك يني أأولب لبناني
الجو بيعأد
مش لكويني
ماهيك



مابتضايأي حالك حياتو

Fat Girls said...

Joy:
بونجورك
كيفك ؟؟

الجو حدو بيعئد من شان هيك
رايحين انا و الصبايا نتروق هلأ


:P

café au lait said...

wyyyy gi6ee3a ana bas ga3ad agra enra3a galby wallaah..hatha emjablah eyeeb il marath walla zain sawaitay feeeh...oo 3ad 3asah ma ered e3eeda etselatah oo magata il muz3eja.

mantovani said...

منور بوجود اصحابه

:)

Fat Girls said...

café au lait:

wala ana atmana ena ma erja3 mithil gabil oo yebtedi yedeg oo yedez msg's la'ana maleeeq oo qatheeeth oo 3elaaa oo mal thab7 :)

thank you for passing by the blog dear :)



Mantovani:

:)
احرجتني

جنون إحساس said...

لول أما سالفة إنه دازلج صورته مع الخرفان قمت أضحك
معقولة في آدمي جذيه

بس شكله صج مغرم الريال

Fat Girls said...

جنون احساس:

مالت عليه و على هالغرام فوقه

اهو مصور مع الخرفان لانه اهو خروف مثلهم !!

حياج ببلوقنا و لا تقاطعين

:)

3_STARS said...

الحقران

أفضل علاج

لهذا المرض

5ayrhaa said...

kaaaaaaaaaaak
zain sawety

Someday said...

looooooooooooool

Qatalny!!
wala el pic malat el '7erfan!
maskyyyn kesar '7a6ryy
motayyam :P

3ad bashry 3ogob el ma'3far ma sawwa shay!?

Fat Girls said...

3_stars:

مووو انا حاقرته و هذا الي صار
انا لو راده عليه جان ما ادري شنو سوووااااا

:\



5ayrhaa:

heheheheheh

thank you :)



Someday:

tadreeen 9oorat il kherfan sheno sawat feeni :)
met min il dhe7ekkk ma boga a7ad min il banat rab3i ma waraitaa il 9ooraaaa :) kent moo im9adgaa ena min 9eja im9awer nafsaa.....ma adri shakla kan yabi ye7asesnii ena Hero oo ib yethba7 il kherfan :P

بلا قيوود said...

ambeeeeh hatha 7ada waiha manchab ao mayst7i 3la waiha ...
wentay a7san 3laaj sweteeeh n6artay 3leeeh leeen 6afa7 elkeeeel ...
bs walla mat5ayel shloon ysawoon chthe ha shbab :S

Fat Girls said...

بلا قيوود:

ويه منجب اشوي عليه
اهو ما يستحي كلش
كان ملوع جبدي و مطوفتله وايد عشان اعرف اهله
بس طلع مو كفو و مينون

الله لا يبلينا يا ربي
:\

Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人