Put a ring on it (NOT)

3ashaaaaaaaaaaaaaaaaaaawwwwwwww :)

Fat Girls Rock

:)

اكو ناس ما تتسبح ب2009 ??

عندي موظفة ما تتسبح و صدقوووووووووووووني انا ما اتبلا عليها

شعرها كله مدهن

توصل ليه درجة انكم تتوقعون انها بتداوم باجر و شعرها نظيف

بس لا

تداوم و راسها مودج اكثر من اليوم الي قبله

:(

فوق كل هذا

she smells bad

احس انها تحتاج انها تتفرك من قلب

و لازم ترأف بحالنا و تحط ديودرانت

و بليز لحد يحاول انه يحط لها اعذار

او يقولي الجو بارد يمكن البنت تستبرد الصبح ما تقدر تتسبح

I don't care!!!!

لازم تتسبح

و اذا ما تبي تتسبح لا تلوع جبدنا

خلها تقدم استقالتها و تقعد بالبيت و ترحمنا


و بعد ون مور ثنج
(one more thing)

لحد يقولي اشتكي عند المديرة \ المسئولة

لان المسئولة عنها

أنا

و ماني عارفه اشلون اوصل لها المعلومة

و اقول لها يا ماما روحي تسبحي

:(

Help me

شدعوه

هلأيام كل ما كلمت احد بالدوام ولا وحده من البنات

قالولي

فات اشفيييييييييييج ؟؟؟؟

صايرة وايد حساسة

ما تطوفين شيء

ولا احنا قادرين نكلمج


:(

شدعوه ؟؟

ليش ؟؟

شنو صاير ؟؟

انا مو حاسة نفسي متغيرة

و بالعكس احس اني اطوف وايد كلام حق وايد ناس و اقول

وييييييه طاف

شحقه اضيق خلقي ولا اضايق نفسي

ماكو شيء يسوى


الصراحة مستغربه منهم

و كل ما سألتهم من صجكم؟؟

قالولي ايييييه صارلج فترة

و احنا عاذرينج نقول يمكن عندج ظروف



!!!!!!!!!!!!


تهقون شنو فيني الي صايرة حساسة و أنا ما أدري عن نفسي ؟؟؟؟

كنت مستانسه

ولد عمتي كله يقولي فات كل ما اشوف

Catherine Zeta Jones

اتذكرج

احس تشبهج وايد

فيج بوها منها

عاد انا ما صدقت خبر

و شفت نفسي على البنات

و قلتلهم تصدقون عاد ولد عمتي قالي اني اشابه

(look like)

كاثرن زيتا جونز

:)

جان زين ما قلتلهم


!!!!!


قالولي اكييييييييييييييد ولد عمتج حول

ولا عنده مشكلة بعيونه

ولا يقص عليج

!!!!


مالت عالباميه

احببببببببببببببببببببببببببببببببببباط

* I'm not as fat as Catherine Fat version look !! (just to be clear)

sick

أنا مريضة

2009

Happy New Year

2009

بحكم اللقافة الي فيني .....

وين بتحتفلون بالسنة الجديدة ؟؟

انا و ربعي بنتيمع في بيت بنت خالتي و بنلعب
Bingo
و بنييب هدايا حق الي يفوزون

و بس

:)

و اتمنى انه سنة 2009 تكون خير علي الكويت و علينا كلنا

و كل عام و انتم بخير

:)

المعجب

عندي مشكلة

مشكلتي انه عندي معجب ملوع جبدي ومو راضي يستوعب اني ما ابيه ولا ابي اعطيه ويه و وايد مستغربة من الحركات الي يسويها لانه مو ياهل !! عمرة 34 سنة !!!!! بس السوالف الي قاعد يسويها سوالف مراهقييين !!!!!

يطحن طحنة مو طبيعية بالتليفون اذا بدا يدق ما يخلص

يرن التليفون ما اشيله ما يقول ادق عقب 5 دقايق .........لا الحبيب يرجع يدق مرة ثانية وثالثة و رابعة و يطحن نصف ساعة و ساعات ساعة كاملة و انا حاقرتة و اهو يحليلة صامد!!!!

و عقب هالحنة يزعل الحبيب و يدزلي مسج يقولي حرام عليج انت ما بقلبج رحمة ....رحميني انا احبج و ابيج... انا حاس اني ما اقدر اعيش من غيرج ..... عطيني ويه بليز و ما راح تتحسفين ....

و ساعات يدز كلام يحر مثل ...

ليش راده البيت متاخر ؟؟

ليش لابسة قصير ؟؟

حبيبتي شكلج اشوي سمنانه ... (يحررررررررررررررررر)

مرة ثانية لا تحطين حمرة لونها احمر اغار عليج ....

شكو انت ؟؟ امي ؟؟ ابوي ؟؟ اخوي ؟؟؟ شكووووووووووو !!!!!! و شخباري سوالف لا تحطين حمرة لونها احمر !!!!!

@#$%^&* عليك !!!!!

ينرفزني . .. يحرني ...و يبط جبدي .....و ساعات ودي انتفه ....

و ساعات اقرا المسج و اضحك.... اقول فية واحد جذي ما عنده حياة ؟؟

ماكو شيء ثاني يشغله؟؟

و ساعات افكر.... يوم انك معجب و بتموت و تدل بيتنا ليش ما تقول حق اهلك يخطبوني ؟؟

المهم خلوني اكملكم السالفة ....

الحبيب المغرم عباله اني ابي اعرف اخباره يدزلي مسجات مثل

اليوم بروح عرس ولد عمي ....

للعلم انا رايح الشالية و بنام هناك .....

انا رايح الافنيوز اتغدى مع الشباب و عقب بندخل فيلم ...

بروح بيروت مع الاهل بنشوف شنو صار على الشقة الي شريناها !!

ودي اشتري رينج روفر سبورت ....

يدز الصبح good morning princess, I just woke up

و بليل good night my queen , I'm tired oo banam

و مرة دازلي MMS صورته و اهو مع الخرفان يوم العيد....

و ساعات الحلو يبتدي يتشره بالمسجات و يدزلي

شدعوة ما تردين ؟؟

ليش حاقرتني؟؟؟؟؟

تعبت و انا ادق انت ما تجاوبين

اشفيج علي ؟؟ ليش بابا ما تجاوبيني لما ادق !!

و ساعات يعصب و يبتدي يسب و يقول كلام مثل ويهه

ما ودي اذكره لانة كلام وايد مستواه واطي مثل الي دازه !!!!

انا الحين من بدا ياذيني يمكن رايحة شركة زين 4 مرات و مسويه بلوك علي أي رقم اهو يدزلي منه مسج و يدقلي منه و الحبيب ما يتعب كل ما اسوي بلوك يطلع لي برقم ثاني جديد!!!!! و ترجع حليمة لعادتها القديمة .....طحنة و حنة و مسجات مالها والي

عاد انا وايد عنيدة و ما احب احد يحدني علي شيء انا ما ودي اسويه ....يعني البنات رفيجاتي اعيزاو مني غيري يور فون نمبر بس لا.....لا اهو ولا 10000000 من اشكاله اخلية يتحكم بحياتي مثل هالطريقة !!!!

و للعلم انا طول هالمدة مو قايلة حق اخواني شيء عن السالفة كوني متاكدة انه الحبيب بيمل و يتعب و يوقف حركاته بس طلعت غلطانة .....انا الي تعبت و انا الي مليت و انا الي صار مالي خلق سوالفه فعقب الحركة الي سواها اليوم .........

يدق على الي معاي بالدوام موظفين و موظفات و يسألهم عني و

يسألهم شلون يعرفوني و شنو العلاقة الي بينا ......!!!!!!!!!!!!!

فانا اليوم قررت اني اخذ خطوة كان المفروض اخذها من زمان بس كنت محترمة اهل الولد كوني اعرف خواته و اعيال عمه و ما حبيت اسوي مشاكل لاني ما احب عوار الراس

كلمت اخوي الكبير الله يطولي بعمره

و عطيته الموبايل مالي و وريته المسجات و قلتله يروح المخفر يشتكي عليه :)

شتسوى عليك ولد ناس و اهلك معروفين تحط نفسك بهذا الموقف ؟؟؟؟؟؟

و على قولت عادل امام " بتحط نفسك بمواقف بااااايييييخاااااااااااهههههههههههه"